Doobte chand pe royi hain hazaron aankhain,
Main to roya bhi nahi, tum ko hansi kyun aayi? ∞
Sabab har aik mujh se poochta hai mere ronay ka,
Elaahi saari dunya ko mein kese raazdaa’n kar loon.. ∞
Yeh shararat bhara lehjaa to meri aadat hai,
Tu har ik baat pe yu’n nam na kiya kar aankhain.. ∞
Yeh kis maqaam pe le aaye hain tujhe halaat,
Ke teri aankh bhi pur’nam dikhayi deti hai.. ∞
Jin ke honton pe tarb-khezz hansi hoti hai,
Woh bhi rote hain kitabon mein chupa kar chehre.. ∞
Tumhe to zabt-e-mohabbat ka itna daava tha,
Yeh ashkk kese teri aankh se dhalak aaya.. ∞
Kab Tak Raho Ge Aakhir Yoon Door Door Hum Say?
Milna Paray Ga Aakhir Ek Din Zaroor Hum Say..!
Daman Bichaane Walay Ye Be-Rukhi Hai Kesi?
Keh Do Ager Hua Hai Koi Qasoor Hum Say..!
Hum Cheen Lenge Tumse Ye Shan-e-Benayazi,
Tum Mangte Phiro Gay Apna Garoor Hum Say…!! ∞
Zara se jabr se main bhi to toot sakti thi,
Meri tarah se tabi’at ka woh bhi sakht na tha. ∞
Aik Ashk Ki Qeemat Ho Agar Aik Hi Paisa,
To Suno, Tum Lakhon Ke Maqrooz Ho Mery..!! ∞
Ajnabi logon mein ho tum aur itni door ho,
Aik uljhan si raha karti hai rozaana humain.. ∞
Jis khof say milny nahi ata tha wo mujh say,
Iss dar say meri mout pay roya bhi nahi tha.. ∞
Khwaab Aankhon Mein Chubho Ker Dekhoon,
Kaash Main Bhi Kabhi So Ker Dekhoon.
Shayed Ubhre Teri Tasveer Kaheen,
Main Teri Yaad Mein Ro Ker Dekhoon.. ∞
Umer Kaati Teri Furqat Mein Bahaatay Aansuu,
Yun Ujray Howay Rehna Meri Aadat Nikli… ∞
Jo zara kisi ne chera chalak jaynge aansu,
Mujhse koi na pucho mera dil udas kyun hai. ∞
Tumhara naam likhane ki ijazat chin gai jab se
Koi bhi lafaz likhata hon to ankhen bheeg jati hain ∞
