Dastaras me hai tera phol sa chehra lakin,
Us ko chone se bikhar jane ka dar lagta hai. ∞
Khawab ankhon me parone ki ijazat hai tuje,
Shab e hijran me bhi sone ki ijazat hai tuje. ∞
Khod apne hijar ki khawaish mje aziz rahi,
Ye tere wasal ka qisa to ik bahana hai. ∞
Khared k humen arzan bana dia tum ne,
Jo hum bike nahin hote to be baha hote. ∞
Khawahish hai k daikhon tere chehre ko musalsal,
Itna muje bhaea hai tera chand sa chehra. ∞
Hairat hai uss ne apni pursatish hi kion na ki,
Jab admi ko pehle pehal aina mila. ∞
Hadson ki na ankh khol jae,
Hasrat sogawar chop hoo jaa. ∞
Chahon to mere pass hai har baat ka jawab,
Chahon ga aik rooz abhi chahta nahin. ∞
Charagh hon meri wazo me kami nahin ho gi,
Muje to jalna hai shab bhar jalon kisi ghar me. ∞
Chahat k badle me hum to baich dain apni marzi tak,
Koi mile to dil ka gahak koi humen apnae to. ∞
Jo mukhalif ajj hai mumkin hai kal hamdard ho,
Apne dushmin se bhi umed e wafa rakhta hon me. ∞
Jinhain khazan me chaman bandion ka dawa tha,
Bhari bahar me ik phol tak khila na sake. ∞
Samar naseeb me ho ga to mil hi jae ga,
Jo shakh phot rahi hai usi ko phalne do. ∞
Thukra dia hai jis k lie ik jahan ko,
Ya raab wo mera dil na dukhae tamam umer. ∞
Totna yon to maqadar hai magar kuch lamhe,
Phool ki tarah muyasar ho shajar me rehna. ∞
